Олунньу 10 күнүгэр Нам улуустааҕы библиотекатыгар Саха Республикатын «Н.Е.Мординов-Амма Аччыгыйа аатынан «Кэскил» оҕо бэчээтин кыһата» государственнай автономнай тэрилтэ көҕүлээһининэн «Мин дойдум- Саха сирэ» оскуола оҕолорун ортотугар Саха сирин географиятын билиигэ остуол оонньуутугар күрэхтэһии буолан ааста.
Оонньууну улуус оскуолатын үөрэнээччилэригэр анаан тэрийэн ыытта биология,химия,география учууталларын холбоһугун салайааччыта Аргунова –Стручкова Анисия Илларионовна.
Күрэҕи лото оонньууну оҥорбут, толкуйдаабыт Ильина Любовь Семеновна иилээн саҕалаан ыытта.
Күрэхтэһии сыалынан, соругунан буолар:
1.Саха сирин географическай балаһыанньатын, сүрүн географическай уратыларын дириҥэтэн үөрэтии, киэн туттуу тыыныгар уһуйуу
2.Остуол оонньуутугар хамаанданан оонньоон сөптөөх эппиэти толкуйдаан таһаарыыга үөрэтии
3.Үөрэнээччи төрөөбүт дойдутун географиятын дириҥник үөрэтиигэ уһуйуллубутуттан сиэттэрэн Россия уонна да атын дойдулар географическай балаһыанньаларын билэргэ, интэриэһиргииргэ тардыһарыгар үөрэтии
Күрэхтэһии ыытыллыбыт быраабыллата олус интириэһинэйдик барда, ол курдук- кэлбит хамаандалар бары тэҥҥэ оонньууллар. Хас биирдии хамаандаҕа алталыы оонньуур тэҥ хонуу биэрдилэр. Хонуу аайы 12-лии эппиэт баар. Ыытааччы , Любовь Семеновна, боппуруоьу ааҕар. Эппиэтин билэр хамаанда кумааҕыга эппиэтин суруйан биэрэр. Сөпкө эппиэккэ фишка биэрэллэр. Кыайылааҕынан элбэх клетканы сабан очко ылбыт хамаанда ааттанар.
Биһиги оскуолабытыттан 7 кылаас үөрэнээччилэрэ хамаанда туруоран, Иванова Настя, Наумова Маша, Тимофеев Алеша, оонньууга кытыннылар. (Салайааччы география учуутала Кайгородова А.В.) Оҕолор эрдэттэн бэлэмнэнэн, төрөөбүт дойдуларын туһунан билиилэрин кэҥэтэн улуус 11 оскуолаларыттан, 36 очкону аахсан, 3 миэстэни ылары ситистилэр. 1 миэстэни 38 очкону ылан Салбан орто оскуолата, 2 миэстэни 37 очколаах Көбөкөн орто оскуолата ыллылар.
  
  
| 